Texasda silahlı hücum: Həlak olanlar arasında uşaq var

Texas ştatının paytaxtı Ostində (ABŞ) "Target" mağazasının dayanacağında silahlı hücum olub. Hadisə nəticəsində biri uşaq olmaqla üç nəfər həyatını itirib.

Bu barədə yerli hüquq-mühafizə orqanından məlumat verilib.

İlkin araşdırmaya əsasən, iki nəfər hadisə yerində, bir nəfər isə xəstəxanaya aparılarkən ölüb.

Bildirilir ki, hadisədən sonra şübhəli avtomobil qaçıraraq ərazidən uzaqlaşıb. O, hücum yerindən təxminən 32 km aralıda elektroşokerlə zərərsizləşdirilərək saxlanılıb.

Polisin məlumatına görə, şübhəli psixoloji problemləri olan 30 yaşlı gəncdir.

Araşdırma davam edir. Cinayətin motivi araşdırılır.