Almaniyanın Bavariya əyalətində üç kişi həbs edilib və onlar Henrix XIII Şahzadə Roys ətrafındakı radikal "reyxsbyurqerlər" şəbəkəsi ilə əlaqədə şübhəli bilinirlər.
Bu barədə "BİLD na russkom" "Telegram" kanalı məlumat verib.
Bavariya Kriminal Polis İdarəsinin məlumatına görə, saxlanılanlar terror təşkilatının ehtimal edilən üzvləridir və istintaqın qənaətincə, mövcud dövlət sistemini zorakılıqla devirməyi və onu öz sistemləri ilə əvəz etməyi planlaşdırıblar.
"Genişmiqyaslı araşdırma çərçivəsində yeni fiqurantlar müəyyən edilib ki, onlar ya qruplaşmaya dəstək veriblər, ya da hazırlıq işlərində iştirak ediblər", - deyə müstəntiqlər bildiriblər.
Bundan əlavə, söhbət 2022-ci ilin aprelində Bayroyt yaxınlığındakı keçmiş Bundesver atış poliqonunda keçirilən silahlı təlimdən də gedir ki, orada altı nəfər - 40-61 yaşlarında kişilər və bir qadın iştirak edib.
Hüquq-mühafizə orqanlarının versiyasına görə, bu atışmaların məqsədi Bundestaq binasına hücuma hazırlıq ola bilərdi. Bu motiv rəsmi olaraq iş materiallarında əksini tapıb.
Qeyd edək ki, avqustun 7-də səhər saatlarında eyni anda üç federal ərazidə reydlər və axtarışlar aparılıb: Bavariya, Saksoniya və Tyuringiya. Ümumilikdə, səkkiz axtarış həyata keçirilib - yeddisi təqsirləndirilən şəxslərin, biri isə şahidin ünvanında.
Şahidi olduğunuz hadisələri çəkib bizə göndərin!
Son Əlavə