Polşanın müvəqqəti işlər vəkili 9-10 avqust tarixlərində Varşavada keçirilməsi planlaşdırılan aksiya ilə əlaqədar Belarus Xarici İşlər Nazirliyinə çağırılıb.

Bu barədə qurumun mətbuat katibi Ruslan Varankov bildirib.

XİN-in məlumatına görə, Pilsudski meydanında və Varşava Universitetində keçiriləcək tədbir Belarusa qarşı yönəlib.

"Aksiyanın təşkilatçıları və iştirakçıları rəsmi Varşavanın dəstəklədiyi, destruktiv və təxribatçı fəaliyyətləri ilə tanınan belaruslu mühacirlərdir. Nazirlik hesab edir ki, bu cür aksiyalar dövlətlərimiz arasında normal dialoqun bərpasına kömək etmir və birbaşa Belarus-Polşa münasibətlərinə xələl gətirir", - o bildirib.

Bununla əlaqədar səfirə müvafiq nota təqdim edilib.скачать dle 11.3