Pakistanın ən iri neft emalı şirkəti olan "Cnergyico" oktyabr ayında etibarən ABŞ-dən 1 milyon barel "West Texas Intermediate" (WTI) markalı neftin idxalını həyata keçirəcək.
Bu barədə "Reuters" agentliyi məlumat yayıb.
"Cnergyico" şirkətinin direktorunun müavini Usama Qureyşi açıqlamasında artıq ilk partiyanın "Vitol" adlı xammal treyderindən alındığını bildirib.
"Əgər o, kommersiya baxımından faydalı və əlverişli olarsa, ay ərzində azından bir partiya idxal edəcəyik", - deyə o bildirib.
Qeyd edək ki, neft sazişi ABŞ Prezidenti Donald Trampın Pakistan ixracatını əhəmiyyətli tariflərlə hədələdikdən bir neçə ay sonra baş verib və bu, İslamabadı Vaşinqtonla enerji və ticarət əlaqələrini genişləndirməyə sövq edib.
Şahidi olduğunuz hadisələri çəkib bizə göndərin!
Son Əlavə