"Respublika" qəzeti və "Xalq qəzeti" redaksiyaları birləşdirilib

Üç dövlət qəzetinin təşkilati hüquqi forması dəyişdirildi.

Median.Az President.az-a istinadən xəbər verir ki, bununla bağlı Prezident İlham Əliyev Fərman imzalayıb.

Fərmana əsasən, Prezidentin İşlər İdarəsinin tabeliyində olan "Bakinski raboçi" qəzetinin redaksiyası əsasında Azərbaycan Respublikası Prezidentinin İşlər İdarəsinin tabeliyində "Bakinski raboçi" qəzetinin redaksiyası" Məhdud Məsuliyyətli Cəmiyyəti yaradılır.

Bundan başqa sənədə əsasən, Prezidentin İşlər İdarəsinin tabeliyində olan "Respublika" qəzeti və "Xalq qəzeti" redaksiyalarının birləşmə formasında yenidən təşkili yolu ilə Azərbaycan Respublikası Prezidentinin İşlər İdarəsinin tabeliyində "Xalq" qəzetinin redaksiyası" Məhdud Məsuliyyətli Cəmiyyəti yaradılacaq.