Azərbaycanın Avropa çempionu: "Dünya çempionatında da qızıl medal qazanmağa çalışacağam"
"Şükür ki, əziyyətim yerdə qalmadı".
Bunu İtaliyanın Kaorle şəhərində keçirilən U-20 Avropa çempionatında qızıl medal qazanmış Azərbaycanın sərbəst güləşçisi Vasif Bağırov (57 kq) bildirib.
O, çəkdiyi zəhmətin finalda nəticəsiz qalmadığını vurğulayaraq, məşqçilərinə təşəkkür edib və qarşıdan gələn dünya çempionatında da qızıl medal qazanmağa çalışacağını qeyd edib.
Qeyd edək ki, Avropa çempionu olan Azərbaycanın sərbəst güləşçiləri bu gün Vətənə qayıdıblar.
Xatırladaq ki, V.Bağırov finalda gürcüstanlı Nika Zanqaladzeylə gərgin mübarizə şəraitində keçən görüşdə əzmkar qələbə qazanıb. İlk hissəni 5:6 hesabı ilə geridə başa vuran Gəncə güləş məktəbinin yetirməsi fasilədən sonra üstünlüyünü təmin edərək 9:6 hesabı ilə qalib gəlib. Beləliklə, ötən il U-20 Avropa çempionatında gümüş medal qazanan V.Bağırov bu dəfə çempion olub.
Bunu İtaliyanın Kaorle şəhərində keçirilən U-20 Avropa çempionatında qızıl medal qazanmış Azərbaycanın sərbəst güləşçisi Vasif Bağırov (57 kq) bildirib.
O, çəkdiyi zəhmətin finalda nəticəsiz qalmadığını vurğulayaraq, məşqçilərinə təşəkkür edib və qarşıdan gələn dünya çempionatında da qızıl medal qazanmağa çalışacağını qeyd edib.
Qeyd edək ki, Avropa çempionu olan Azərbaycanın sərbəst güləşçiləri bu gün Vətənə qayıdıblar.
Xatırladaq ki, V.Bağırov finalda gürcüstanlı Nika Zanqaladzeylə gərgin mübarizə şəraitində keçən görüşdə əzmkar qələbə qazanıb. İlk hissəni 5:6 hesabı ilə geridə başa vuran Gəncə güləş məktəbinin yetirməsi fasilədən sonra üstünlüyünü təmin edərək 9:6 hesabı ilə qalib gəlib. Beləliklə, ötən il U-20 Avropa çempionatında gümüş medal qazanan V.Bağırov bu dəfə çempion olub.
