Romada yanacaqdoldurma məntəqəsində baş verən partlayış nəticəsində azı 21 nəfər yaralanıb.
Bu barədə İtaliya KİV-ləri məlumat yayıb.
"Hazırda əsasən xilasedicilər və hüquq-mühafizə orqanlarının əməkdaşları olmaqla 21 nəfər xəsarət alıb", - KİV-lər bildirib.
Qeyd olunub ki, partlayış yük maşınının boru kəmərinə çırpılması nəticəsində baş verib. Bundan sonra yanğın başlayıb və partlayışa səbəb olub.
Bir neçə ev və onlarla avtomobil zərər görüb. Ərazi mühasirəyə alınıb.