8 ildir yeni bina sakinlərə nə təhvil verilir, nə də kirayə haqqı ödənilir - VİDEO

2017-ci ildə Nəsimi Rayon İcra Hakimiyyətinin sərəncamı ilə start götürən layihə hələ də sona çatdırılmayıb.

Median.Az Xəzər TV-yə istinadən məlumat verir ki, Azadlıq prospekti və ətraf küçələrdə yaşayan 213 mülkiyyətçi evlərini tərk edib, "Yeni Ailə" MTK-ilə rəsmi müqavilə bağlayıb.

Müqaviləyə görə, cəmi 2 ilə ailələrin mənzilləri təhvil verilməli idi. Ancaq bu gün 8 ildir gözləyən sakinlər var.

Sakinlər sadəcə mənzil deyil, hər ay verilməli olan kirayə haqlarının da ödənmədiyini iddia edirlər. Kommunal xidmətlər demək olar ki, yox səviyyəsindədir. Üstəlik təhvil verilməyən kompleksdə artıq liftlər də işləmir.

Məsələ ilə bağlı "Yeni Ailə" MTK-nın rəsmisi Ziya Hacıyev bildirib ki, hazırda kompleksin tikilib başa çatdırılması məqsədilə iş gedir. Yaxın bir ay ərzində su, qaz, işıq sayğacları quraşdırılacaq və liftlər bərpa ediləcək. O həmçinin əlavə edib ki, hazırda şirkətdə yoxlama gedir və maliyyə problemləri var.

Buna görə də kirayə haqları gecikir. Həmin ödənişlərin də 20 gün ərzində həyata keçirilməsi gözlənir.

Ətraflı süjetdə:скачать dle 11.3

Şahidi olduğunuz hadisələri çəkib bizə göndərin!