Rusiya miqrantlar üçün xəstəlik vərəqələrinin alınması şərtlərini sərtləşdirir
Rusiyada çalışan əcnəbi vətəndaşlar yalnız altı aydan az olmayaraq sığorta stajına malik olduqları halda pullu xəstəlik vərəqəsi almaq hüququna sahib ola biləcəklər.
Bu məsələ Rusiya Dövlət Dumasına təqdim olunacaq yeni qanun layihəsində nəzərdə tutulur.
Dövlət Dumasının Əmək, sosial siyasət və veteran işləri üzrə komitəsinin rəhbəri Yaroslav Nilov bildirib ki, Rusiya ərazisində yaşayan əcnəbilər və vətəndaşlığı olmayan şəxslər müvəqqəti əmək qabiliyyətsizliyə görə müavinətləri yalnız işəgötürən tərəfindən onlar üçün ən azı altı ay əvvəlindən sığorta haqları ödənilmişdirsə, ala biləcəklər.
"Hazırkı qanunvericiliyə əsasən, Rusiyada işləyən bütün əcnəbilər və vətəndaşlığı olmayan şəxslər bizim sosial fondumuzda sığortalanmalıdırlar. Lakin müvəqqəti yaşayış icazəsi olan şəxslər, eləcə də Avrasiya İqtisadi İttifaqına (Aİİ) üzv ölkələrin vətəndaşları Rusiya vətəndaşları ilə eyni şərtlərlə sosial sığortaya malikdirlər. Bu isə sosial fondun büdcəsinə əlavə yük yaradır. Təqdim etdiyimiz qanun layihəsi bu yükü optimallaşdırmaq məqsədi daşıyır", - deyə o vurğulayıb.
Bundan əlavə, qanun layihəsində qeyd olunub ki, minimum birillik sığorta stajı olan şəxslər üçün analıq və doğuşa görə müavinət almaq hüququ qüvvədə qalacaq.
Yeni məhdudiyyətlər digər ölkələrdən olan yüksəkixtisaslı mütəxəssislərə və Belarus vətəndaşlarına şamil edilməyəcək.
Bu məsələ Rusiya Dövlət Dumasına təqdim olunacaq yeni qanun layihəsində nəzərdə tutulur.
Dövlət Dumasının Əmək, sosial siyasət və veteran işləri üzrə komitəsinin rəhbəri Yaroslav Nilov bildirib ki, Rusiya ərazisində yaşayan əcnəbilər və vətəndaşlığı olmayan şəxslər müvəqqəti əmək qabiliyyətsizliyə görə müavinətləri yalnız işəgötürən tərəfindən onlar üçün ən azı altı ay əvvəlindən sığorta haqları ödənilmişdirsə, ala biləcəklər.
"Hazırkı qanunvericiliyə əsasən, Rusiyada işləyən bütün əcnəbilər və vətəndaşlığı olmayan şəxslər bizim sosial fondumuzda sığortalanmalıdırlar. Lakin müvəqqəti yaşayış icazəsi olan şəxslər, eləcə də Avrasiya İqtisadi İttifaqına (Aİİ) üzv ölkələrin vətəndaşları Rusiya vətəndaşları ilə eyni şərtlərlə sosial sığortaya malikdirlər. Bu isə sosial fondun büdcəsinə əlavə yük yaradır. Təqdim etdiyimiz qanun layihəsi bu yükü optimallaşdırmaq məqsədi daşıyır", - deyə o vurğulayıb.
Bundan əlavə, qanun layihəsində qeyd olunub ki, minimum birillik sığorta stajı olan şəxslər üçün analıq və doğuşa görə müavinət almaq hüququ qüvvədə qalacaq.
Yeni məhdudiyyətlər digər ölkələrdən olan yüksəkixtisaslı mütəxəssislərə və Belarus vətəndaşlarına şamil edilməyəcək.
