CAR-da əlverişsiz hava səbəbindən 49 nəfər ölüb

Cənubi Afrika Respublikasında (CAR) son iki gündə əlverişsiz hava şəraiti səbəbindən 49 nəfər ölüb.

Bu barədə ölkənin ən çox zərər çəkmiş Şərqi Keyp əyalətinin rəhbəri Lubabalo Oskar Mabuyane bildirib.

“İyunun 11-i günorta saatlarına olan məlumata görə, Şərqi Keyp əyalətində ölənlərin sayı 49 nəfər olub”, - o, mətbuat konfransında bildirib.

Lubabalo Oskar Mabuyanenin sözlərinə görə, ən çox qurbanlar OR Tambo bələdiyyə dairəsidir: “Onların arasında körpüdən çaya düşən məktəb avtobusundan 4 şagird də olub. Daha dörd şagirdin axtarışları davam edir; onlar itkin düşmüş hesab olunurlar”.

Mabuyane qeyd edib ki, ölümün əsas səbəbləri güclü yağışların yaratdığı torpaq sürüşmələri, eləcə də yollarda qar örtüyü olub. Ölkənin bir sıra magistral yolları qar uçqunu səbəbindən bağlanıb. Cənubi Afrika Respublikasının ən çox zərər çəkən əraziləri cənub və şərq bölgələridir.

Bundan əvvəl CAR-ın Şərqi Keyp əyalətində güclü daşqınlar nəticəsində 7 nəfərin öldüyü, 13 nəfərin itkin düşdüyü bildirilib.

Xatırladaq ki, Cənubi Afrika Respublikasına soyuq hava kütlələri iyunun 9-da daxil olub. Bəzi ərazilərdə gecə temperaturu sıfırdan aşağı düşüb. Sinoptiklər xəbərdarlıq edir ki, CAR-a gələn qış cari onilliyin ən sərt mövsümlərindən biri ola bilər.
//reportскачать dle 11.3

Şahidi olduğunuz hadisələri çəkib bizə göndərin!