Bir neçə gündür ölkənin müxtəlif bölgələrində - Lerikdə, Xəzər dənizində, Şamaxıda, Xızıda - yeraltı təkanlar qeydə alınır.
Bu gün də Pirqulu stansiyasından 15 km şimal-şərqdə Şamaxı və Xızı rayonlarında 3.6 maqnitudalı zəlzələ qeydə alınıb. Bu barədə Respublİka Seysmoloji Xİdmət Mərkəzi məlumat yayıb.
Bildirilib ki, zəlzələ episentrdə 4 bal, Şamaxı və Xızı rayonlarının episentrə yaxın yaşayış məntəqələrində 4.3 bala qədər hiss olunub. Yerli vaxtla 10:18-də qeydə alınmış yeraltı təkanların ocağı 5 km dərinlikdə yerləşib.
Median.Az Xəzər TV-yə istinadən məlumat verir ki, Azərbaycan Milli Elmlər Akademiyasının nəzdində fəaliyyət göstərən Respublika Seysmoloji Xidmət Mərkəzinin baş direktoru Qurban Yetirmişlinin sözlərinə görə, bu təkanları müsbət hal kimi dəyərləndirmək lazımdır:
"Əhali narahat olmasın, xırda təkanlı zəlzələlər ola bilər. Müsbət hal odur ki, enerji boşalması gedir. Bu da onu göstərir ki, güclü zəlzələdən söhbət gedə bilməz".
Ətraflı süjetdə:
Şahidi olduğunuz hadisələri çəkib bizə göndərin!
Son Əlavə