Monteneqronun sərhəd polisi Podqoritsa Beynəlxalq Hava Limanında Rusiyanın sorğusu əsasında İnterpol xətti ilə axtarışda olan Azərbaycan vətəndaşını saxlayıb.
Bu barədə ölkənin Polis Departamentinə istinadən RTCG dövlət televiziyası məlumat yayıb.
Məlumatda qeyd olunur ki, 35 yaşlı Azərbaycan vətəndaşı barəsində İnterpolun Moskva üzrə Milli Mərkəzi Bürosu Stavropol diyarının Pyatiqorsk şəhər məhkəməsində ona qarşı aparılan cinayət işində iştirakını təmin etmək üçün beynəlxalq order verib.
Külli miqdarda dələduzluq əməli törətməkdə şübhəli bilinən şəxsi 10 ilədək azadlıqdan məhrumetmə cəzası nəzərdə tutulub.
Monteneqro tərəfinin bildirdiyinə görə, saxlanılan şəxsin ekstradisiya haqqında qərarı Podqoritsa Ali Məhkəməsi verəcək.
Şahidi olduğunuz hadisələri çəkib bizə göndərin!
Son Əlavə