Uqandanın Masaka bölgəsində sadə bir qəhvə fermasında böyüyən Elizabeth Nalugemwa, anasının əziyyətinin bazarda dəyər görmədiyini erkən yaşlarında dərk etdi.
Bu hiss onu həm qadınların iqtisadi güclənməsi, həm də kənd icmalarının inkişafı üçün sosial sahibkarlığa yönəltdi. Beləcə, "Kyaffe Farmers Coffee" brendi yarandı.
Elizabeth, işə kömür sobasında qovrulan qəhvə ilə başladı. Məqsədi sadə idi - qadın fermerlərin məhsullarına ədalətli bazar yaratmaq. Bugün o, 1,500-dən çox qadın fermeri birləşdirən, təlim verən və onların məhsullarını dünya bazarına çıxaran bir şəbəkəyə rəhbərlik edir.
Qeyd etmək lazımdır ki, "Kyaffe Farmers Coffee" yalnız qəhvə istehsalı ilə kifayətlənmir. Şirkət kənd təsərrüfatı tullantılarından ekoloji təmiz briketlər istehsal edərək həm ətraf mühiti qoruyur, həm də qadınlara əlavə gəlir imkanı yaradır.
Elizabeth-in fəaliyyəti beynəlxalq aləmdə də diqqətdən kənarda qalmayıb. 2018-ci ildə "Obama Foundation" tərəfindən Afrika lideri seçilib, 2019-cu ildə isə Fransada "Women Stop Hunger" mükafatına layiq görülüb.
Bu uğur hekayəsi göstərir ki, böyük dəyişikliklər üçün böyük resurslara deyil, böyük iradəyə ehtiyac var. Elizabeth Nalugemwa, kömür sobasında başlayan arzunu qlobal miqyaslı sosial təsirə çevirən qadındır.
//valyuta.az
Şahidi olduğunuz hadisələri çəkib bizə göndərin!
Son Əlavə