AFFA cərimələri artıracaq, klublara dəstək ödənişi azaldılacaq

AFFA bütün liqalarda cərimələri artırmaq qərarını verməyə hazırlaşır.

Median.Az İdmanxəbər.az-a istinadən xəbər verir ki, AFFA Premyer Liqa klublarına verdiyi üç milyon manatı azaldaraq 2.5 milyon AZN-ə çatdırıb. Qurum bununla da kifayətlənmək niyyətində deyil.

AFFA yeni mövsümdən Premyer Liqa daxil olmaqla, bütün liqalarda cərimələri artırmağı planlaşdırır.

İntizam Komitəsinin qərarlarına əsasən, tətbiq olunan cərimələr yeni mövsümdən bir neçə dəfə artırıla bilər. AFFA bu məsələni götür-qoy edir və qarşıdakı iclaslarda bu, əsas müzakirə mövzularından biri olacaq.

Məsələ bu ayın axırlarında planlaşdırılan AFFA İcraiyyə Komitəsinin (İK) növbəti toplantısında müzakirəyə çıxarılacaq və son qərar veriləcək.

Qeyd edək ki, federasiya Premyer Liqa klublarının hər birinə 3 milyon, I Liqa komandalarına 300 min, II liqada çıxış edən kollektivlərin isə hərəsinə 50 min manat pul ayırır.скачать dle 11.3

Şahidi olduğunuz hadisələri çəkib bizə göndərin!