Erməni deputat: "Varlıların uşaqları hərbi xidmətdən yayınmaq üçün xarici ölkə vətəndaşlığı alırlar"
"Ermənistanda hərbi xidmətdən yayınan şəxslər arasında ölkənin ən böyük vergi ödəyicilərinin - yəni iri biznes sahiblərinin övladları da yer alır".
Median.Az-ın erməni KİV-ə istinadən məlumatına görə, bu barədə hakim Vətəndaş Sazişi fraksiyasından olan deputat Ayk Sarqsyan mətbuat konfransında bildirib.
O bu informasiyanı Ermənistan Müdafiə Nazirliyinin nümayəndələri ilə apardığı işgüzar müzakirələr zamanı əldə etdiyini bildirib.
Deputatın sözlərinə görə, bir çox iri biznes təmsilçilərinin övladları, adları ölkənin ilk min vergi ödəyicisi sırasında keçən ailələrdən olan gənclər, hərbi xidmətdən yayınmaq üçün xarici ölkə vətəndaşlığı alırlar.
"Orduda əsasən imkansız ailələrin uşaqları xidmət edirsə və bu, sosial ədalətsizliyə səbəb olursa, biz bu məsələni Müdafiə Nazirliyinin nümayəndələri ilə aparılan işçi müzakirələrdə qaldırırıq. Onlar deyirlər ki, çox zaman böyük sərvətə sahib olan və ən iri vergi ödəyicilərinin sırasına daxil olan ailələrin üzvləri hərbi xidmətə çağırılmır. Biz aydınlaşdırmalıyıq: bu şəxslər həqiqətən səhhətinə görəmi xidmət etmirlər, yoxsa müxtəlif yollarla yayınırlar?" - deyə Sarqsyan vurğulayıb.
Əvvəllər məlumat verilmişdi ki, Sarqsyan ordudan qanuni "satın alma" tətbiq etmək təklifini irəli sürüb. Təşəbbüsə görə, çağırışçılar üç variantdan birini seçə bilərlər: 20 milyon dram (təxminən 50 min dollar) ödəməklə bir ay xidmət keçmək, 15 milyon dram (təxminən 40 min dollar) ödəməklə altı ay xidmət etmək və ya tam müddəti - 24 ayı xidmət etmək, bu zaman digər kateqoriyalar tərəfindən ödənilən vəsait hesabına artırılmış təminat almaq.
//oxu.az
Median.Az-ın erməni KİV-ə istinadən məlumatına görə, bu barədə hakim Vətəndaş Sazişi fraksiyasından olan deputat Ayk Sarqsyan mətbuat konfransında bildirib.
O bu informasiyanı Ermənistan Müdafiə Nazirliyinin nümayəndələri ilə apardığı işgüzar müzakirələr zamanı əldə etdiyini bildirib.
Deputatın sözlərinə görə, bir çox iri biznes təmsilçilərinin övladları, adları ölkənin ilk min vergi ödəyicisi sırasında keçən ailələrdən olan gənclər, hərbi xidmətdən yayınmaq üçün xarici ölkə vətəndaşlığı alırlar.
"Orduda əsasən imkansız ailələrin uşaqları xidmət edirsə və bu, sosial ədalətsizliyə səbəb olursa, biz bu məsələni Müdafiə Nazirliyinin nümayəndələri ilə aparılan işçi müzakirələrdə qaldırırıq. Onlar deyirlər ki, çox zaman böyük sərvətə sahib olan və ən iri vergi ödəyicilərinin sırasına daxil olan ailələrin üzvləri hərbi xidmətə çağırılmır. Biz aydınlaşdırmalıyıq: bu şəxslər həqiqətən səhhətinə görəmi xidmət etmirlər, yoxsa müxtəlif yollarla yayınırlar?" - deyə Sarqsyan vurğulayıb.
Əvvəllər məlumat verilmişdi ki, Sarqsyan ordudan qanuni "satın alma" tətbiq etmək təklifini irəli sürüb. Təşəbbüsə görə, çağırışçılar üç variantdan birini seçə bilərlər: 20 milyon dram (təxminən 50 min dollar) ödəməklə bir ay xidmət keçmək, 15 milyon dram (təxminən 40 min dollar) ödəməklə altı ay xidmət etmək və ya tam müddəti - 24 ayı xidmət etmək, bu zaman digər kateqoriyalar tərəfindən ödənilən vəsait hesabına artırılmış təminat almaq.
//oxu.az
