Yerətrafı orbitdə 50 ildən çox vaxt keçirən "Kosmos-482" kosmik aparatı öz səyahətini başa vurub, orbitdən çıxaraq Hind okeanına düşüb.
Bu barədə "Roskosmos"un "Telegram" kanalı məlumat verib.
Məlumata görə, 1972-ci ildə SSRİ-nin fəzaya buraxdığı "Kosmos-482" kosmik aparatı bununla da mövcudluğuna son qoyub.
Rusiyanın Mərkəzi Elmi-Tədqiqat Maşınqayırma İnstitutunun mütəxəssislərinin məlumatına görə, aparat Moskva vaxtı ilə saat 9:24-də (Bakı vaxtı ilə 10:24-də) Orta Andaman adasından 560 kilometr qərbdə atmosferin sıx təbəqələrinə daxil olub və Cakartanın qərbində Hind okeanına düşüb.
Veneranın araşdırılması üçün nəzərdə tutulan "Kosmos-482"nin enişi Yerətrafı kosmik fəzada təhlükəli vəziyyətlər barədə avtomatlaşdırılmış xəbərdarlıq sistemi tərəfindən idarə olunurdu.
1972-ci ildə uğursuz buraxılışdan sonra "Kosmos 482" Yerin yüksək elliptik orbitində olub. Onilliklər ərzində onun trayektoriyası tədricən azalıb və bu da orbitdən nəzarətsiz şəkildə çıxmasına gətirib çıxarıb.
Şahidi olduğunuz hadisələri çəkib bizə göndərin!
Son Əlavə