"iPhone 17 Air" üçün ultranazik batareya-çexol hazırlanır

Ultranazik "iPhone 17 Air" haqqında yeni detallar açıqlanıb.

Median.Az "The Information" jurnalına istinadən xəbər verir ki, smartfon üçün daxili batareyası olan xüsusi çexol buraxılacaq.

Bu qərarın səbəbi telefonun incəliyi ilə əlaqədar onun batareya tutumunun əvvəlki modellərlə müqayisədə əhəmiyyətli dərəcədə az olmasıdır. Smartfonun yalnız bir dinamiki və kamerası olacaq, SIM-kart yuvası olmayacaq.

Qeyd edilir ki, "Apple" bu qeyri-standart cihaza olan tələbat barədə əmin deyil. Buna görə də istehsal gücünün yalnız 10%-i "iPhone 17 Air" üçün ayrılıb.

Onun buraxılışı 2025-ci ilin sentyabr ayına planlaşdırılır. Ultranazik modeldən əlavə, digər "iPhone" modelləri də təqdim olunacaq.скачать dle 11.3

Şahidi olduğunuz hadisələri çəkib bizə göndərin!