İlham Əliyev Qusar rayonunda bağçılıq və soyuducu anbar kompleksinin fəaliyyəti ilə tanış olub - FOTO » Median.Az - Bütün xəbərlər bir ünvanda
23:01 “Traktor”dan “Qarabağ”ın təbrikinə maraqlı cavab - FOTO  |     22:56 Mövsümündən əvvəl yetişən alça və çiyələklə bağlı QORXUNC TƏHLÜKƏ  |     22:49 Qubada 36 yaşlı kişi ÖZÜNÜ ASDI  |     22:41 Sumqayıtda silah-sursat aşkarlandı  |     22:36 KİV: Netanyahu Azərbaycana səfərini təxirə saldı  |     22:07 Bakıda masaj salonunda jurnalistlə işçilər arasında gərgin anlar yaşanıb - VİDEO  |     21:48 Qatar 15 dəqiqə tuneldə qalıb (VİDEO)  |     21:44 Tramp NATO ölkələrinə ultimatum verdi  |     21:35 Niyə taksilərdə POS-terminal quraşdırılmır? - AÇIQLAMA  |     21:28 Ərdoğan: Türkiyə dünyada PUA texnologiyasında ən inkişaf etmiş üç ölkə arasındadır  |     21:20 Sumqayıtda silah-sursat aşkarlanıb  |     21:13 Çin səfiri: ABŞ-ın rüsum təzyiqləri Pekini qorxutmayacaq  |     20:59 İranda ildırım vurması nəticəsində iki nəfər ölüb, dörd nəfər xəsarət alıb  |     20:50 Azərbaycan komandası Avropa Kubokunda daha bir medal qazanıb  |     20:41 Sumqayıtda yük avtomobili piyadanı vuraraq öldürüb  |     20:27 Zurabişvilinin evi gülləbaran edildi - Yaralananlar var  |     20:03 “Zelenski Moskvadakı parada qatılacaq dünya liderlərini hədələyib”  |     19:49 Qubada DƏHŞƏT: sübh tezdən həyətdə özünü öldürdü  |     19:28 İranda qum fırtınası səbəbilə 800-dən çox insan xəstəxanaya müraciət edib  |     19:16 İndoneziya sahillərində güclü zəlzələ baş verib  |    

İlham Əliyev Qusar rayonunda bağçılıq və soyuducu anbar kompleksinin fəaliyyəti ilə tanış olub - FOTO

Azərbaycan Respublikasının Prezidenti İlham Əliyev aprelin 30-da Qusar rayonunda "İsmikhanlı" Məhdud Məsuliyyətli Cəmiyyətinin (MMC) bağçılıq və soyuducu anbar kompleksi ilə tanış olub.

Median.Az
AZƏRTAC-a istinadən xəbər verir ki, iqtisadiyyat naziri Mikayıl Cabbarov dövlətimizin başçısına kompleksin fəaliyyəti barədə məlumat verib.

Bildirilib ki, cəmiyyət tərəfindən Qusarda 330, Ağsuda isə 30 hektar ərazidə ən son texnologiyalar əsasında intensiv bağlar salınıb. Hazırda burada 230 hektar sahədə alma, 35 hektarda armud, 26 hektarda şaftalı, 21 hektarda nektarin, 18 hektarda isə gilas ağacları əkilib. Bu cür bağların salınması kənd təsərrüfatı təyinatlı torpaqlardan maksimum səmərəli istifadəyə və yüksək məhsuldarlıq əldə etməyə imkan verir.

Burada yetişdirilən meyvələrin satış və ixrac prosesi ilboyu davam etdirilir. Məhsullar yerli bazara çıxarılmaqla yanaşı, Qətər, Birləşmiş Ərəb Əmirlikləri və Rusiyaya ixrac olunur.

Bağlarda aqrotexniki işlərin daha dəqiq və səmərəli görülməsi məqsədilə Türkiyə, İtaliya və İspaniyadan mütəxəssislər cəlb olunublar. Burada yüksək qənaətliliyə malik damcı-suvarma texnologiyasından istifadə olunur ki, bu da həm ekoloji davamlılığı təmin edir, həm də su itkisinin qarşısını alır. Təsərrüfatın texnika parkı dünyanın aparıcı şirkətlərinin müasir avadanlıqları ilə təchiz olunub.

Soyuducu anbar kompleksi 2023-cü ilin oktyabrında istifadəyə verilib. Kompleks 8 min 700 ton tutuma malik soyuducu meyvə anbarından, çeşidləmə və paketləmə sahəsindən, material anbarından, hazır məhsul və yükləmə hissələrindən ibarətdir. Soyuducu anbar hər biri 300 ton tutuma malik 29 soyutma kamerası ilə təchiz edilib.

Çeşidləmə sahəsində quraşdırılan müasir avadanlıq vasitəsilə meyvələr rənginə, formasına və ölçüsünə görə çeşidlənir ki, bu da məhsulların bazar tələblərinə uyğun paketlənməsini təmin edir. Çeşidləmə sahəsində, həmçinin saatda mindən çox qatlama və yapışdırma gücünə malik avadanlıq vasitəsilə qablaşdırma qutuları hazırlanır.

Layihə dəyəri 18 milyon manat olan "İsmikhanlı" bağçılıq və soyuducu anbar kompleksində 270 nəfər daimi, 400 nəfər isə mövsümi işlə təmin olunub. Layihənin reallaşmasına İqtisadiyyat Nazirliyinin tabeliyində Sahibkarlığın İnkişafı Fondu tərəfindən 3.3 milyon manat güzəştli kredit ayrılıb. Müəssisə avadanlıqların idxalı zamanı gömrük və vergi güzəştlərindən yararlanıb.














скачать dle 11.3




Şahidi olduğunuz hadisələri çəkib bizə göndərin!




            156 30.04.25 12:10