Hindistan və Pakistan hərbçiləri arasında atışma baş verib.
Bu barədə Hindistanın "News18" telekanalı xəbər verir.
Xəsarət alanlar barədə məlumat yoxdur.
Aprelin 22-də Cammu və Kəşmir bölgəsində terror aktı baş verib. Silahlı döyüşçülər Baysaran vadisində cığırla qalxan turistlərə avtomat silahlardan atəş açıblar.
KİV-in məlumatına görə, terror aktına görə məsuliyyəti Pakistandan əraziyə daxil olan Əfqanıstanın "Müqavimət Cəbhəsi" qruplaşması öz üzərinə götürüb.
Bu hadisədən sonra Nyu-Delhi Pakistan səfirliyinin müdafiə, hərbi dəniz və hərbi hava qüvvələri üzrə məsləhətçilərini "persona non grata" (arzuolunmaz şəxs) elan edib. Buna cavab olaraq İslamabad Nyu-Delhi ilə bütün ikitərəfli sazişlərin fəaliyyətini dayandırıb, sərhəddə yerləşən "Vagah" nəzarət-buraxılış məntəqəsini bağlayıb, Hindistan və hindistanlıların idarə etdikləri aviaşirkətlər üçün öz hava məkanını qapayıb. Bundan başqa Hindistanın ölkədəki Ali Komissarlığının müdafiə, hərbi-dəniz qüvvələri və aviasiya məsələləri üzrə məsləhətçilərini "persona non grata" elan edib. Hindistan isə Hind çayının Pakistana axınının qarşısını almaq üçün bütün su bəndlərini bağlayıb.
Şahidi olduğunuz hadisələri çəkib bizə göndərin!
Son Əlavə