Qarik Xarlamov təcili xəstəxanaya aparıldı, eşitmə qabilyyətini itirə bilər

Rusiyanın tanınmış komiki Qarik Xarlamov çəkiliş meydançasından birbaşa xəstəxanaya aparılıb.

Median.Az utro.ru-ya istinadla xəbər verir ki, insident yumoristin münsif kimi çıxış etdiyi yeni verilişin çəkilişləri zamanı baş verib.

Belə ki, Q.Xarlamovun rejissorla əlaqə saxladığı mikroqulaqlıq onun qulağında ilişib qalıb.

Komik qulaqlığı özü çıxartmağa çalışarkən, cihaz daha da dərinə gedib. Nəticədə, çəkilişlər dayandırılıb və artist təcili xəstəxanaya aparılıb.

Həkimlərin sözlərinə görə, qulaqlıq çıxarıldıqdan sonra Q.Xarlamov müvəqqəti olaraq, eşitmə qabiliyyətini itirə bilər.