Aprelin 10-da Nizami rayonu, Heydər Əliyev prospekti ilə Ələsgər Qayıbov küçəsinin kəsişməsində ağır qəza törədən taksi sürücüsü Anar Nəcəfov hadisənin təfərrüatını Baku TV-yə danışıb.
O, başqasının adı ilə taksi xidmətindən istifadə etməsinə də aydınlıq gətirib.
"Qadın maşına oturandan sonra heç nədən xəbərim olmadı. Dilim qatlandı, yoxsa mən dəliyəm, gedim, o qədər sürətlə hasara girim?! 8-9 ildir ki, məndə qıcolma olmamışdı. O vaxtdan birinci dəfədir ki, maşında baş verdi. Avtomobil taksi şirkətinə aiddir. Hesabım yox idi, dedilər ki, səni başqasının adı ilə qeydiyyata alacağıq", - deyə o bildirib.
Qeyd edək ki, bir neçə gün əvvəl Bakıda "Bolt" taksi şirkətinə məxsus BYD avtomobilinin sürücüsü idarəetməni itirərək arakəsməni yararaq, Heydər Əliyev prospekti ilə hərəkətdə olan "Ford"a dəyib, uçaraq yolun o biri tərəfinə düşüb.
Ətraflı süjetdə:
Şahidi olduğunuz hadisələri çəkib bizə göndərin!
Son Əlavə