Tacikistanda dünən baş verən güclü zəlzələ nəticəsində iki rayonda təxminən 100 ev dağılıb, onlarla bina zərər görüb, bir uşaq həlak olub.
Bu barədə respublika hökuməti yanında Fövqəladə Hallar və Mülki Müdafiə Komitəsinin (FHK) Böhran Vəziyyətlərinin İdarəetmə Mərkəzindən məlumat verilib.
Qeyd olunub ki, Raşt rayonunun beş kəndində 40 yaşayış evi tamamilə uçulub, beş yaşayış evi, üç çayxana və bir məktəbin köməkçi binası qismən dağılıb. Bundan əlavə, Uşturpast kəndində evin divarı altında qalan üç yaşlı uşaq həlak olub.
"Tacikabad rayonunda, ümumilikdə 54 yaşayış evi tamamilə dağılıb, 45 ev qismən zədələnib, 61 yaşayış evi və iki orta təhsil müəssisəsi binası yüngül zədələr alıb, 196 köməkçi tikili tamamilə zədələnib, üç çayxana və bir tibb müəssisəsi qismən zədələnib", - deyə qurumdan əlavə ediblər.
Hadisə yerində Tacikistan Prezidenti Emoməli Rəhmonun tapşırığı ilə baş nazirin müavini Sulayman Ziyozoda rəhbərliyi altında yaradılmış respublika komissiyası işini davam etdirir.
Şahidi olduğunuz hadisələri çəkib bizə göndərin!
Son Əlavə