MTK-ların ləğv olunması ilə bağlı olan elanların sayı günü-gündən artır. Onlar arasında uzun illərdir ki, fəaliyyət göstərən MTK-lar da var. Bu MTK-lardan biri də bu günlər də fəaliyyətini dayandırdığını elan edib.
Uzun illərdir fəaliyyət göstərən və ləğv olunduğunu elan edən tikinti şirkətlərindən biri də “Yasamal-S” olub. 2013-cü ildə dövlət qeydiyyatına alınan bu MTK əvvəllər MMC kimi fəaliyyət göstərib.
2018-ci ilin aprelindən isə təşkilati-hüquqi formasını dəyişib və kooperativ adlanmağa başlanıb. Ləğvi elan olunan MTK-nın nizamnamə kapitalı 50 manatdır. Bu şirkətin qanuni təmsilçisi isə Məhəmmədzadə Şəhanə Xasay qızıdır.
Xatırladaq ki, bu ilin ilk aylarında bir neçə MTK ləğvini elan edib. Bunlardan biri fevral ayında ləğv olunan “Park Azure” idi. Yeni həyatlar qrupuna daxil olan bu şirkətin qanuni təmsilçisi Səlimov Rüfət Nəcəf oğlu olub. Bu şirkət Azərbaycanda ad qazana bilmişdi.
Bu ilin aprel ayında ləğvi barəsində qərar qəbul edilən MTK-lardan bir də 15 illik fəaliyyəti olan “Pərvin İnşaat” olub.2009-cu ildə dövlət qeydiyyatına alınan bu şirkət 2025-ci ildə müflis olduğunu elan edib. Şirkətin qanuni təmsilçisi Hüseynov Şəmməd Gülməmməd oğlu olub.
//valyuta.az
Şahidi olduğunuz hadisələri çəkib bizə göndərin!
Son Əlavə