Növbəti mövsüm İngiltərə Premyer Liqasının azı beş komandası Çempionlar Liqasına (ÇL) vəsiqə qazanacaq.
Bu barədə “BBC Sport” məlumat yayıb.
Bildirilib ki, “Arsenal”ın Londonda “Real” üzərində ÇL-in 1/4 final mərhələsinin ilk oyununda qazandığı 3:0 hesablı qələbədən sonra İngiltərənin növbəti mövsüm bu turnirdə minimum beş komanda ilə təmsil olunması təmin edilib. Belə ki, üç Avropa turnirinin hər hansı birində bir qələbə İngiltərə üçün beşinci yeri təmin edəcəkdi.
İki əlavə yer UEFA-nın əmsallar cədvəlində ölkələrin reytinqinə əsasən verilir.
Qeyd edək ki, Premyer Liqanın vahid lideri “Liverpul”dur (73 xal). Komandanın ən yaxın təqibçisi isə “Arsenal”dır (62 xal). İlk "üçlüy"ü “Nottinqem Forest” (57 xal) qapayır. Turnir cədvəlinin dördüncü pilləsi ilə onuncu pilləsini cəmi 8 xal ayırır ki, bu da ÇL-ə vəsiqə qazanmaq uğrunda mübarizəni daha da gərginləşdirir.
“Aston Villa” bu il ÇL-i qazanarsa, lakin yerli çempionatda Avropanın ən nüfuzlu klub turnirinə vəsiqə əldə edə bilməzsə, “Mançester Yunayted” və ya “Tottenhem” isə Avropa Liqasını qazanarsa, İngiltərə 2025/2026 mövsümündə ÇL-də 7 komanda ilə təmsil oluna bilər.
Qeyd edək ki, İtaliya əmsallar cədvəlində ikinci, İspaniya üçüncü, Almaniya dördüncüdür.
//report
Şahidi olduğunuz hadisələri çəkib bizə göndərin!
Son Əlavə