2025-ci ilin ilk Ay tutulması başlayıb - CANLI » Median.Az - Bütün xəbərlər bir ünvanda
20:49 Azərbaycanda riskli vergi ödəyicilərinin sayı kəskin azalıb  |     20:43 Sumqayıtda avtobusun vurduğu 76 yaşlı qadın xəstəxanada ölüb  |     20:35 Azərbaycanın işğaldan azad olunmuş ərazilərinə xərcləmələr 18 milyard manata çatıb  |     20:30 2024-cü ildə xaricdə münaqişə zonalarında döyüşmüş 5 nəfər Azərbaycan vətəndaşı ölkə ərazisinə gələrkən saxlanılıb  |     20:24 Bu il Azərbaycanda qatarlarla heyvanların toqquşması nəticəsində 7 hadisə baş verib  |     20:19 Distant iş forması ilə bağlı layihə hazırlanır  |     20:13 “Çıraqqala” abidəsi bərpa-konservasiya edilib  |     20:05 Ötən il Azərbaycanda 781,8 milyon manatlıq hərbi məhsul istehsal edilib  |     20:00 Azərbaycanın ötən il bir sıra ölkələrə etdiyi yardımın məbləği açıqlanıb  |     19:53 2024-cü ildə 298 nəfər Azərbaycan vətəndaşlığına qəbul olunub  |     19:48 DİN və Penitensiar xidmət əməliyyat keçirib, avtomat aşkar olunub  |     19:40 Denver aeroportunda təyyarədə yanğın baş verib, 12 nəfər xəsarət alıb  |     19:35 Azərbaycanın 2 aylıq elektrik enerjisi istehsalı, ixracı və idxalı açıqlanıb  |     19:29 Sabah Bakıda ümumşəhər iməciliyi və ağacəkmə aksiyası keçiriləcək  |     19:21 Naxçıvanda hərbi sursatlar aşkar edilib - VİDEO  |     19:16 Sarayda 67 yaşlı qadın dəm qazından boğulub  |     19:10 Braziliya COP30-un Dövlət Başçıları Sammitinin vaxtını dəyişib  |     19:03 Qusarda yüksək dağlıq ərazidə yanğın başlayıb  |     18:38 Arayik Harutunyan Gəncənin bombalanması barədə məlumatı Ermənistan ordusu baş qərargah rəisindən aldığını bildirib  |     18:23 Bakıda dolları xüsusi üsullarla saxtalaşdıran dəstə ifşa olundu (FOTO / VİDEO)  |    

2025-ci ilin ilk Ay tutulması başlayıb - CANLI

Bu ilin ilk Ay tutulması Bakı vaxtı ilə saat 7:57-dən etibarən başlayıb.

Bu 2025-ci ilin ilk tam Ay tutulmasıdır.

Tutulma hadisəsi Şimali və Cənubi Amerika, Avstraliyanın çox hissəsi, Avropanın qərbi, Asiyanın şərq hissəsi, Sakit və Atlantik okeanı, Arktika və Antarktidanı əhatə edir.

Bakı vaxtı ilə saat 7:57-də başlayan tutulma hadisəsi 14:00-da bitəcək. Ümumilikdə tutulma 6 saat davam edəcək, tam tutulma isə saat 10:26-da başlayıb saat 11:31-də bitəcək. Tam tutulmanın maksimumu saat 10:58-də olacaq.

Məlumat üçün bildirək ki, Ay tutulmasının baş vermə səbəbi Yerin orbit müstəvisi ilə Ayın orbit müstəvisinin cəmi 50 dərəcə fərqlənməsidir. Ay tutulması Ayın bədrlənmiş fazasında orbitinin düyünlərində və ya ona yaxın olduqda baş verir. Yer Günəşlə Ay arasına keçərək Günəşdən gələn işıq şüalarının qarşısını kəsir. Bu zaman Ay tutulması baş verir. Ay tutulmasının müddəti Günəş tutulmasından uzun olur. Çünki Yerin kölgəsi Ayın kölgəsindən daha böyükdür.

Ay tutulmasının üç növü var: Tam, qismən və yarımkölgəli Ay tutulması. Tam Ay tutulması zamanı Ay tamamilə Yerin kölgəsinə keçir. Qismən Ay tutulması zamanı Yerin kölgəsi Ayın diskini bütövlükdə örtmür. Yarımkölgəli Ay tutulması zamanı isə Ayın diski sadəcə Yerin yarımkölgəsinə keçə bilir, yəni onun zəif xarici kölgə hissəsindən keçir. Ay azacıq tündləşir ki, bunu da fərq etmək çətin olur.

Tam Ay tutulması zamanı Günəş işığının bir hissəsi Yer atmosferindən keçərək sınır və Ayın səthinə çatır. Atmosferdəki hava molekulları və toz hissəcikləri qısa dalğa uzunluğuna malik olan mavi və bənövşəyi işığı daha çox səpir, uzun dalğalı qırmızı və narıncı işıq isə atmosferdən keçərək Ayın səthinə düşür. Nəticədə, Ay qırmızımtıl və ya mis rəngində görünür.

Xatırladaq ki, gözlənilən tam Ay tutulması yerli vaxtla gündüz saatlarına uyğun gəldiyi və Ay üfüqdən aşağıda olacağı üçün Azərbaycandan görünmür.

Qeyd edək ki, sentyabrın 7-də isə ikinci Ay tutulması olacaq. Tutulma əsasən Avropa, Asiya, Afrika, Avstraliyanı, Hind okeanı, Antarktidanı əhatə edəcək. Şimali Amerikanın qərbi, Cənubi Amerikanın şərqi, Sakit okean, Arktikada isə qismən və yarımkölgəli tutulma müşahidə olunacaq. Tutulma prosesi Bakı vaxtı ilə saat 19:28-də başlayacaq və 8 sentyabr 00:55-də bitəcək. Diskin tam tutulması isə 21:30-da başlayacaq və 82 dəqiqə davam edəcək.
//oxu.az
скачать dle 11.3




Şahidi olduğunuz hadisələri çəkib bizə göndərin!




            201 14.03.25 12:11