Qaxda 1 ailənin 5 üzvü zəhərləndi

Qaxda bir ailənin 5 üzvü işıq generatorunun tüstüsündən zəhərlənib.

Median.Az-ın məlumatına görə, zəhərlənmə ötən gün axşam saatlarında rayonun Ləkit kəndində baş verib. 
Kənd sakinləri - 1986-cı il təvəllüdlü Vaqif Süleymanov, 1988-ci il təvəllüdlü Röyanə Süleymanova, eləcə də  15, 13 və 7 yaşlı övladları işıq generatorunun tüstüsünün evə daxil olması səbəbindən zəhərləniblər.

Zəhərlənənlər Qax Rayon Mərkəzi Xəstəxanasının (RMX) Təcili Tibbi Yardım şöbəsinə daxil olub. Onlara müvafiq tibbi yardım göstərilib, vəziyyətlərinin yaxşı olduğu bildirilir.