Türkiyənin Azərbaycandakı yeni səfiri Fəxri və Şəhidlər xiyabanlarını ziyarət edib

Türkiyənin Azərbaycandakı yeni səfiri Birol Akgün Fəxri xiyabanı ziyarət edib.

Median.Az "Report"a istinadən xəbər verir ki, diplomat ulu öndər Heydər Əliyevin məzarı qarşısına əklil qoyub.

Görkəmli oftalmoloq, akademik Zərifə Əliyevanın xatirəsi də ehtiramla anılıb.

Səfir daha sonra Şəhidlər xiyabanını ziyarət edib. Azərbaycanın müstəqilliyi və ərazi bütövlüyü uğrunda canlarından keçən qəhrəmanları yad edib, məzarlarının üzərinə qərənfillər düzüb. "Əbədi Məşəl" abidə kompleksinin önünə əklil qoyulub.

Sonda isə "Türk şəhidliyi" abidəsi ziyarət olunub.