Keçid dövründə Suriya prezidentinin səlahiyyətlərini icra edən Əhməd əş-Şaraa fevralın 4-də Türkiyəyə səfər edəcək.
Bu barədə Türkiyə Prezidenti Administrasiyasının Kommunikasiya İdarəsinin rəhbəri Fahrettin Altun "X" sosial şəbəkəsindəki hesabında məlumat verib.
O yazıb ki, əş-Şaraa Türkiyə Prezidenti Rəcəb Tayyib Ərdoğanın dəvəti ilə fevralın 4-də Ankaraya səfər edəcək:
"Danışıqlar zamanı Suriyadakı son hadisələr bütün aspektləri ilə müzakirə ediləcək, Suriyada iqtisadiyyatın bərpası, dayanıqlı sabitliyin və təhlükəsizliyin təmin edilməsi üçün iki ölkənin atmalı olduğu birgə addımlar qiymətləndiriləcək".
O əlavə edib ki, Türkiyənin çoxtərəfli platformalarda Suriyanın keçid hakimiyyətinə göstərə biləcəyi mümkün dəstək məsələsi də müzakirə olunacaq.
Şahidi olduğunuz hadisələri çəkib bizə göndərin!
Son Əlavə