Bank 10 manat dövriyyəsi olan şirkətə 20 milyon dollar kredit ayırıb? - "Şlyapa Zahid"in məhkəməsi » Median.Az - Bütün xəbərlər bir ünvanda
13:15 ABŞ-nin strateji əhəmiyyətli hərbi bazasında gərginlik: Şlaqbaumu sındıran sürücü güllələndi  |     13:14 Ənvər Seyidov vəfat etdi  |     23:03 Böyük gəmilər sunami xəbərdarlığından sonra niyə limanları tərk edir?  |     22:56 “SpaceX” “Crew-11” missiyası çərçivəsində beynəlxalq astronavtları BKS-yə göndərib  |     22:50 Lavrov: ABŞ Ukraynanın Rusiya ilə danışıqlara razılaşmasına töhfə verib  |     22:44 Baş Şirvan kollektorunda iki nəfər boğulub  |     22:38 Laçında 1,4 milyonluq söküntü  |     22:33 "Google" ChatGPT dialoqlarınızı axtarış nəticələrinə çıxarır - Nələri bilməlisiniz?  |     22:26 Robot tarixdə ilk dəfə universitetə qəbul olundu  |     22:19 1724-cü ildə yerə düşən meteoritdə unikal xüsusiyyətlərə malik material tapıldı  |     22:13 Alimlər kartofun əcdadını tapdı - Gözlənilməz kəşf  |     22:08 Gecə baş verən təbii fəlakətlər niyə daha ölümcül olur?  |     21:59 "MoreCup"da 143 manatlıq oğurluğa görə 2,6 il həbs  |     21:54 Alman avtomobil sənayesi çöküş astanasında: Əfsanəvi brendlər niyə mövqelərini itirir?  |     21:48 Ev kirayəsi ilə bağlı dələduzluq halları artır: Nə etmək lazımdır? - Video  |     21:44 Azərbaycan güləşçisi dünya çempionatında finala yüksəlib  |     21:37 Paytaxtda təmir sexində güclü YANĞIN: Lüks avtomobil KÜLƏ DÖNDÜ - Video  |     21:30 BQXK-nın Azərbaycan Nümayəndəliyi fəaliyyətini sentyabrın əvvəlində dayandıracaq  |     21:24 AQTA bir sıra ölkələrin qida təhlükəsizliyinə nəzarət sisteminin ekvivalentliyini tanıyıb  |     21:18 Azərbaycan Qış İdman Növləri Federasiyası rusiyalı idmançının milliyə buraxılmamasına münasibət bildirib  |    

Bank 10 manat dövriyyəsi olan şirkətə 20 milyon dollar kredit ayırıb? - "Şlyapa Zahid"in məhkəməsi

Müdafiə Nazirliyinin 42 milyon 234 min manatlıq mənimsəmədə ittiham olunan sabiq zabiti Zahid Niftəliyevin (Şlyapa Zahid) məhkəmə prosesi keçirilib.

Median.Az
"Report"a istinadla xəbər verir ki, Bakı Ağır Cinayətlər Məhkəməsində hakim Novruz Kərimovun sədrliyi ilə keçirilən prosesdə şahidlər ifadə verib.

Şahid qismində dindirilən Solmaz Əliyeva deyib ki, Zahid Niftəliyevi tanımır:

"2004-cü ildən "Atabank"da çalışmışam. Mənim işim müştərinin sənədlərini imzalayıb kassaya yönləndirməkdən ibarət olub. Zahid Niftəliyevi bankda 2-3 dəfə görmüşəm. Bir dəfə qəbzlə yaxınlaşdı, imzaladım. Müştəri hər dəfə pul çəkəndə mənə yaxınlaşırdı".

Zahid Niftəliyev şahid Solmaz Əliyevanı tanımadığını bildirib. Onun sözlərinə görə, bankda cəmi bir dəfə olub və bir neçə sənədə imza atıb.

Solmaz Əliyevanın məhkəməyə verdiyi ifadə ilə ibtidai istintaqa verdiyi ifadəsində ziddiyyət olduğu üçün onun istintaqdakı ifadəsi prosesdə elan olunub.

O, həmin ifadəsində Zahid Niftəliyevə məxsus "Şahin-Co" şirkətinə milyonlarla vəsait kredit ayrıldığını deyib.

Hakim Novruz Kərimov vurğulayıb ki, məhkəmədə sübutlar əsasında bankın milyonlarla vəsaiti Zahid Niftəliyevin şirkətinə deyil, digər şirkətlərə ayırdığı məlum olub.

Həmçinin şahid ibtidai istintaqa verdiyi ifadəsində Zahid Niftəliyevin banka ayrı-ayrılıqda 683 min və 625 min dollar vəsait ödədiyini bildirib.

Zahid Nifətliyev isə məhkəmədə deyib ki, o, banka hər hansı bir vəsait ödəməyib.

Daha sonra prosesdə şahid qismində "Atabank" ASC-nin Bank Olmayan Kredit Təşkilatının əməkdaşı olmuş Rüfət Daşdəmirov ifadə verib. O bildirib ki, "Şahin-Co" şirkətindən kredit ayrılması ilə bağlı banka sifariş daxil olub. Şahidin sözlərinə görə, Zahid Niftəliyev şirkətin dövriyyə vəsaitinin artırılması əsası ilə banka kredit ayrılması üçün müraciət edib.

Hakim deyib ki, şirkətin aylıq dövriyyəsi 10 manat olub, bank dövriyyəsi 10 manat olan şirkətə milyonlarla vəsait ayıra bilərmi?

Şahid vurğulayıb ki, kreditin ayrılması üçün şirkətin aylıq dövriyyəsinin miqdarı vacib deyil. Onun sözlərinə görə, müştəri biznes qurmaq üçün də banka müraciət edə bilirmiş.

Rüfət Daşdəmirovun sözlərinə görə, Zahid Niftəliyevə məxsus "Şahin-Co" şirkətinə 20 milyon dollar kredit ayrılıb:

"Kreditin niyə ayrıldığını bilmirəm. Müştəri bizə müraciət etdikdən sonra yoxlamaya çağırmışdıq. Kredit də yoxlamadan sonra müəyyən olunan meyarlar əsasında ayrılmışdı. Müştərinin ödəmə qabiliyyətinin olub-olmadığını bankın filialı analiz etmişdi. Şirkət kredit ayrılması üçün banka hər hansı bir girov qoymayıb".

Dövlət ittihamçısı şahidə onların girov qoymayan şirkətə milyonlarla vəsaitin necə ayrılması ilə bağlı sual verib.

Rüfət Daşdəmirov cavabında bildirib ki, bu barədə qərarı kredit komitəsinin iclasında bankın idarə heyətinin sədri verib.

Daha sonra onun ibtidai istintaqa verdiyi ifadəsi ilə məhkəmədə verdiyi ifadə arasında ziddiyyət olduğu üçün ibtidai istintaqa verdiyi ifadəsi elan olunub.

O, sözügedən ifadəsində bildirib ki, "Şahin-Co" şirkətinə kreditin ayrılması qanunvericiliyə uyğun olmayıb:

"Şirkət kredit üçün müraciət etdiyi gün təsis edilmişdi. Həmçinin, heç bir girovu yox idi. Qərar qəbul etdik ki, kredit verilməsin. Sonra bankın idarə heyətinin sədri Dəyanət Quliyev dedi ki, məsələni kredit komitəsində müzakirə çıxaraq, qalanı onlarlıqdır. Biz "Şahin-Co" şirkətinə kredit verilməsi ilə bağlı hər hansı bir sənədə imza atmamışıq. Kreditlə bağlı məruzəni kredit komitəsində "Atabank"ın filialı edib".

Məhkəmənin növbəti iclası fevralın 5-nə təyin olunub.

Qeyd edək ki, Z.Niftəliyev iki il əvvəl rüşvət alma ittihamı ilə həbs edilib. Daha sonra o, azadlığa buraxıldıqdan sonra Dövlət Təhlükəsizliyi Xidməti (DTX) tərəfindən yenidən həbs edilib.

Gəncə Apellyasiya Məhkəməsi dövlət ittihamçısının Tərtər Hərbi Məhkəməsinin hökmündən verdiyi protesti təmin edərək Z.Niftəliyevi vəzifə saxtakarlığında və külli miqdarda rüşvət almaqda təqsirli bilib və o, 8 il 6 ay azadlıqdan məhrum edib.

Bundan başqa Zahid Niftəliyev "Atabank" ASC-dən götürdüyü 42 milyon manat kredit vəsaitinin və dövlət rüsumunun ödənilməsi ilə bağlı çıxarılmış Bakı Apellyasiya Məhkəməsinin qətnaməsini qərəzli icra etməyib.

Qeyd edək ki, Z.Niftəliyev Azərbaycan Ordusunun sabiq Baş Qərargah rəisi Nəcməddin Sadıkovun yaxın adamı olub.скачать dle 11.3




Şahidi olduğunuz hadisələri çəkib bizə göndərin!




            561 16.01.25 11:49