Abşeron rayonunun Pirəkəşkül qəsəbəsində yerləşən məktəb binasında elektrik naqillərinin paylanma qutusunda qısaqapanma nəticəsində yanğın baş verib.
Abşeron-Xızı Regional Təhsil İdarəsindən bildirilib ki, məktəbdə əvvəlcədən yanğın təhlükəsizliyi ilə bağlı görülmüş tədbirlər sayəsində hadisənin yayılmasının qarşısı alınıb, şagirdlər və müəllimlər təxliyə planına uyğun olaraq təhlükəsiz yerə köçürülüblər, onların sağlamlığına heç bir təhlükə yaranmayıb.
"Yanğın zamanı yalnız elektrik naqillərinin paylama qutusuna zərər dəyib, tədris binası mühafizə edilib. Hazırda aidiyyəti qurum tərəfindən hadisənin başvermə səbəbləri araşdırılır. Tədris prosesinin fasiləsizliyini təmin etmək üçün zəruri tədbirlər görülür, məktəbin elektrik sisteminin ən qısa zamanda bərpası çərçivəsində işlər aparılır", - deyə açıqlamada bildirilib.
* * * * *
Abşeron rayonunun Pirəkəşkül qəsəbəsində yanğın olub.
Median.Az Fövqəladə Hallar Nazirliyinə istinadən xəbər verir ki, birmərtəbəli məktəb binasında elektrik lövhəsi və qoruyucu açar yanıb.
Yanğınsöndürənlər tərəfindən 4 nəfər təhlükəsiz əraziyə təxliyə olunub. Məktəb binası yanğından mühafizə olunub.
Yanğın yanğından mühafizə bölmələri tərəfindən söndürülüb.
Şahidi olduğunuz hadisələri çəkib bizə göndərin!
Son Əlavə