İcbari tibbi sığortanın əhatə dairəsi və xidmətlər zərfi günü-gündən genişlənsə də, hələ də vətəndaşlar bütün özəl tibb müəssisələrdə bu imkandan yararlana bilmirlər. Bakı ilə yanaşı, xüsusilə bölgələrdə İcbari Tibbi Sığorta üzrə Dövlət Agentliyinin müqavilə bağlamadığı kifayət qədər özəl klinikalar var.
Xezerxeber.az-ın məlumatına görə, vətəndaşlar deyirlər ki, yaşadıqları ünvanlara yaxın özəl xəstəxanalarda tibbi sığortadan istifadə etmək imkanı olsa, onlar üçün daha rahat olar.
Həkim-ekspert Adil Qeybulla bildirib ki, Azərbaycanda icbari tibbi sığorta sisteminin daha da təkmilləşməsinə ehtiyac var. Çünki bütün özəl tibb müəssisələri lisenziya əsasında fəaliyyət göstərir. Buna görə də, mülkiyyətindən asılı olmayaraq, vətəndaşlar bütün xəstəxanalarda bu imkandan yararlanmalıdırlar.
Tibbi sığortanın əhatə dairəsinin genişləndirilməsi, nəticədə həkim heyətinin peşəkarlığını, vətəndaşların isə məmnunluq səviyyəsini artıra bilər.
Ətraflı süjetdə:
Şahidi olduğunuz hadisələri çəkib bizə göndərin!
Son Əlavə