"Telegram"ın təsisçisi Pavel Durovun Fransada məhkəmə nəzarətində olduğu müddətdə hakimin müəyyən etdiyi ünvanda yaşaması tələb olunur.

Bu barədə Liberation məlumat yayıb.

Məlumata görə, sahibkar elektron qolbaq taxmağa məcbur olmayacaq, çünki o, ev dustaqlığında deyil və buna görə də məhkəmənin müəyyən etdiyi məhdudiyyətlərə, məsələn, mütəmadi olaraq müəyyən polis idarəsinə baş çəkmək kimi qaydalara riayət etməklə Fransa ərazisində sərbəst hərəkət edə bilər. Köçdüyü təqdirdə o, hakimlə yeni ünvan barədə razılaşmalıdır. Durov həftədə iki dəfə polisdə qeydiyyatdan keçməli olacaq.

Prokurorluq həmçinin Durovun bütün pasportlarının müsadirə edildiyini bildirib.

Qeyd edək ki, avqustun 28-də Paris prokurorluğu Durovu "Telegram" vasitəsilə kriminal məzmunun yayılmasının qarşısını almamaqla ittiham etdiyini açıqlayıb. O, məhkəmə nəzarəti altında azadlığa buraxılıb və Fransa ərazisini tərk etməsi qadağan olunub.

Durov beş milyon avro girov və polisə xəbər vermək öhdəliyi qarşılığında sərbəst buraxılıb.скачать dle 11.3