Ukrayna ordusu ölkə vətəndaşlarının hərəkətini məhdudlaşdırıb

Ukrayna ordusunun hərbi komandanlığı Rusiya ilə 20 kilometrə qədər olan həmsərhəd ərazidə öz vətəndaşlarının yerdəyişməsini qadağan edib.

Bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda qeyd olunub ki, Ukrayna vətəndaşlarına tətbiq edilən qadağa döyüş əməliyyatlarının intensivliyinin artması, kəşfiyyat qruplarının, həmçinin xüsusi əməliyyat qüvvələrinin fəaliyyətinin intensivləşdirilməsi ilə əlaqədardır.

Məlumat üçün əlavə edək ki, Ukrayna ordusunun Rusiyanın Kursk vilayətində keçirdiyi uğurlu əməliyyatdan sonra iki ölkə arasında hərbi toqquşmaların miqyası böyüyüb.