Azərbaycan və Türkiyənin iş adamları İlham Əliyevi dəstəkləyirlər - BƏYANAT

Azərbaycan-Türkiyə İş Adamları Birliyi (ATİB) fevralın 7-də keçiriləcək növbədənkənar prezident seçkisində Prezident İlham Əliyevin namizədliyinin dəstəklənməsi ilə bağlı bəyanat qəbul edib.

ATİB-dən verilən məlumata görə, bəyanatda deyilir ki, növbəti prezident seçkisi müstəqil Azərbaycanın tarixində ilk dəfə müzəffər Ali Baş Komandan, Prezident İlham Əliyevin rəhbərliyi altında dəmir yumruq kimi birləşmiş xalqımız və qəhrəman ordumuz tərəfindən ərazi bütövlüyü təmin edilmiş ölkəmizin bütün ərazisində keçiriləcək:

“30 illik işğala son qoyulduqdan sonra doğma torpaqlarına qayıtmış insanların ilk dəfə öz yurdlarında seçici olaraq səsvermədə iştirak edəcəyi bu seçki Azərbaycan dövlətçiliyinin tarixində yeni və parlaq bir dövrün başlanğıcı olacaq. İlham Əliyevə uğurlar arzulayırıq və keçiriləcək seçkinin məntiqi nəticəsinin tariximizə parlaq bir səhifə kimi həkk olunaraq qüdrətli dövlətimizin və qalib xalqımızın sınmaz iradəsinin təzahürü olmasını diləyirik”.