Azərbaycan vətəndaşları Rusiyada yol qəzasına düşüblər, ölənlər var

Zərdab rayon sakinləri Rusiyada ağır yol qəzasında həlak olublar.

“Report”un Yuxarı Şirvan bürosu xəbər verir ki, hadisə bu ölkənin Saratov şəhərində qeydə alınıb. Belə ki, Saratov şəhərində yaşayan, əslən Zərdab rayonundan olan qohumlar yol qəzasına düşüblər. Rayonun Qoruqbağı kəndindən olan iki əmioğlu – Anar və Elvin Qarayevlər ağır yol qəzasında həlak olublar. Onlardan biri hadisə yerində, digəri isə xəstəxanaya aparılarkən yolda dünyasını dəyişib.

Hadisə zamanı avtomobildə əmioğlulardan başqa daha 2 nəfər də olub. Həmin şəxslərdən biri dünyasını dəyişib, digər sərnişin, ölən əmioğlulardan birinin qardaşı isə ağır yaralanıb.

İlkin məlumata görə, hadisəyə yol kənarında dayanmış başqa avtomobil səbəb olub. Qəzada ağır yaralanan şəxsin bir neçə həftə öncə toyu olub. Qəzada ölənlərin ikisinin meyitləri Azərbaycan gətirilərək, Zərdabın Sarıqaya kənd qəbiristanlığında dəfn olunacaq.скачать dle 11.3

Şahidi olduğunuz hadisələri çəkib bizə göndərin!