"Noyabrın 13-dən Qarabağda həlak olmuş 892 erməni hərbçisinin meyiti aşkarlanıb".
“Report” xəbər verir ki, bunu Ermənistanın Fövqəladə Hallar Dövlət Xidmətinin İctimaiyyətlə əlaqələr şöbəsinin müdiri Unan Tadevosyan “Sputnik Armenia”ya açıqlamasında deyib.
"Biz bu günə kimi 892 hərbi qulluqçunun meyitini tapdıq. Son günlərdə barışıq rejiminin pozulmalarına görə iş dayandırılıb. Amma dünən axtarışlar Cəbrayıl, Füzuli və Qaraxanbəyli ərazisində davam etdirildi. Bu gün onlar Cəbrayılda və Füzulidə davam etdilər", - Tadevosyan deyib.
O, əlavə edib ki, işlər Zəngilanda da davam etdiriləcək. Hava xilasedicilərə ciddi maneçiliklər yaradır. Qısa dekabr günləri axtarışların effektivliyini əhəmiyyətli dərəcədə aşağı salır. Axtarışlarda əsasən erməni və Rusiya xilasediciləri iştirak edirlər.
İndi xilasedicilərə yeri yaxşı tanıyan hərbçilər, həmçinin itkin düşən əsgərlərin valideynləri qoşulublar.
"Bu onların arzusu idi, biz onları qarşılamağa getdik. Valideynlər öz aralarında razılaşırlar və bizimlə birlikdə axtarışda bir neçə insan iştirak edirlər", - dövlət qulluğunun əməkdaşı qeyd edib.
Şahidi olduğunuz hadisələri çəkib bizə göndərin!
Son Əlavə