Sentyabrın 27-də Ermənistan ordusunun Azərbaycanın cəbhə boyu ərazilərində təxribat törətməsinə cavab olaraq başlayan və 44 gün davam edən Vətən müharibəsində Ordumuz qələbə qazandı.

Azərbaycan Silahlı Qüvvələri 30 ildir işğal altında olan torpaqlarımızı azad etdi. Bu qələbədə ən böyük pay sahibi ön cəbhədə xidmətdə olan əsgər və zabitlərimizdir.

Cebhe.info xəbər verir ki, Vətən müharibəsində canından keçmiş, torpaqlarımızın azad edilməsində canı-qanı bahasına döyüşmüş şəhid Xüsusi təyinatlı çavuş Sadıqov Rüfət Vaqif oğlunun nəşi dekabrın 13-ü Kəlbəcər istiqamətində tapılıb.

İgidimiz öz döyüş yoldaşlarının həyatını xilas edərkən qəhramancasına şəhid olub.

Sadıqov Rüfət Vaqif oğlu 1995-ci ilin noyabrın 13-ü Daşkəsən rayonunun Quşçu kəndində anadan olub.

O, 2017-ci ildə döyüş atışlı taktiki təlimində fərqləndiyinə görə Fəxri fərmanla təltif olunub. Daha sonra 2019-cu ildə "9 noyabr Dövlət Bayrağı günü" münasibəti ilə nümunəvi hərbi xidmətə, yüksək intizama, döyüş və ictimai-siyasi hazırlıqda əldə etdiyi nailiyyətlərə görə Fəxri fərmanla təltif olunub.

Qəhramanımızın ordu həyatından çəkilmiş fotolarını sizlərə təqdim edirik:

скачать dle 11.3