"Əgər qısa zamanda koronavirus əleyhinə vaksin aşkarlansa və dünya üzrə vaksinləşmə aparılsa, bu, bizim qurtuluşumuz olar".
BAKU.WS bildirir ki, bu sözləri redaktor.az-a həkim-radioloq Aydın Əliyev koronavirusun nə vaxt sona çatacağı haqqında danışarkən deyib.
“Hazırda, demək olar ki, bütün dünya koronavirusun vaksinini axtarır. Çünki bu, virusdan yaxa qurtarmağın yeganə yoludur. Bəziləri iddia edir ki, guya kütləvi immunitet yaranarsa, virus təsir gücünü itirəcək.
Nəzərə alın ki, virus 1 ildir baş qaldırıb və artıq 70 milyona yaxın insan bu virusun qurbanı olub. Kollektiv immunitetin yaranmasını gözləsək, hələ bir neçə milyon insan da öləcək.
Düzdür, vaksinin də nə vaxt hazır olacağı, effekt verib-verməyəcəyi də bəlli deyil. Amma ən azından bu, daha ümidvericidir. Əgər vaksin tapılsa və gözlənilən effekti versə, növbəti ilin əvvəlindən normal həyatımıza geri dönə biləcəyik”, - deyə A.Əliyev qeyd edib.
Şahidi olduğunuz hadisələri çəkib bizə göndərin!
Son Əlavə