İlham Əliyev Qazaxıstan, Özbəkistan və Qırğızıstan prezidentlərinə təşəkkür etdi » Median.Az - Bütün xəbərlər bir ünvanda
23:00 Hansı ölkələrdən Naxçıvana nə qədər pul köçürülüb? (SİYAHI)  |     22:57 Ukrayna Rusiyaya danışıqların yeni raundunun keçirilməsini təklif edib  |     22:43 "Aparıcılar onları reytinq üçün efirə çıxarıb, ələ salırlar"  |     22:36 Tramp: "İranın yeni nüvə obyektləri məhv edilə bilər"  |     22:24 Sumqayıtda tanışını bıçaqlamaqda şübhəli bilinən şəxs saxlanıldı  |     22:11 Enerji içkiləri yeniyetmələrin sağlamlığını necə risk altına alır? – Həkimlərin xəbərdarlığı  |     21:07 Daha bir marşrut xəttinə YENİ AVTOBUSLAR verildi  |     21:06 "Real Madrid"in gəlirləri tarixi rekord qırdı - MƏBLƏĞ  |     21:03 Olimpiya və səkkizqat dünya çempionatının qalibi olan güləşçi 44 yaşında vəfat edib  |     20:52 Zuğulba şosesində avtomobildə baş verən yanğın sıxlığa səbəb olub  |     20:51 Suriyada druzlarla silahlı toqquşmalarda 940 nəfər həyatını itirib  |     20:49 Sumqayıtda ağır yol qəzası baş verib, yaralılar var  |     19:46 "Netflix" ilk dəfə serialda vizual effektlər üçün süni intellektdən istifadə etdi (VİDEO)  |     19:38 Sumqayıtda bədii gimnastika üzrə şəhər birinciliyi keçiriləcək  |     19:32 Pezeşkianla Paşinyan arasında telefon danışığı olub  |     19:25 İranda Abadan neft emalı zavodunda yanğın olub  |     19:18 Azərbaycanda tikinti materialları istehsalında əsas problemlər açıqlanıb  |     19:10 Dünya Bankı Azərbaycanın məhkəmə sistemi üçün növbəti islahatları açıqlayıb  |     19:03 "Karvan" futbolçusu ilə vidalaşıb  |     18:58 Zelenski Rusiyanın Ukrayna ərazisinə 300-dən çox dron və 30 raket buraxdığını bildirib  |    

İlham Əliyev Qazaxıstan, Özbəkistan və Qırğızıstan prezidentlərinə təşəkkür etdi

Azərbaycan Respublikasının Prezidenti İlham Əliyev Qazaxıstan Respublikasının Prezidenti Kasım-Jomart Tokayevə, Özbəkistan Respublikasının Prezidenti Şavkat Mirziyoyevə və Qırğız Respublikasının Prezidenti Sooronbay Jeenbekova məktub ünvanlayıb.

AZƏRTAC xəbər verir ki, dövlətimizin başçısı məktublarda sentyabrın 27-də Ermənistanın Azərbaycana qarşı növbəti təxribat törətdiyini və bir neçə istiqamətdən müxtəlif növ silahlardan, o cümlədən ağır artilleriyadan istifadə edərək Azərbaycanın yaşayış məntəqələrini, eyni zamanda, hərbi mövqelərini atəşə tutduğunu bildirib. Bu təxribat nəticəsində hərbçilərimiz, mülki şəxslərimiz həlak olub və yaralanıb. Azərbaycan Ordusu əks-hücum əməliyyatına başlayıb.

Prezident İlham Əliyev Ermənistanın bu hücumunun planlaşdırılmış hərbi təxribat olduğunu diqqətə çatdırıb. Qeyd olunub ki, Ermənistan rəhbərliyinin danışıqlar prosesini pozmağa yönəlmiş bəyanatları, iyul-avqust aylarında törədilmiş hərbi təxribatlar, Azərbaycanın işğal olunmuş ərazilərində xarici ölkə vətəndaşlarının qeyri-qanuni məskunlaşdırılması Ermənistanın öz təcavüzkar siyasətindən əl çəkmədiyini və yeni müharibəyə hazırlaşdığını göstərir.

Dövlətimizin başçısı Ermənistan-Azərbaycan Dağlıq Qarabağ münaqişəsinin beynəlxalq hüququn norma və prinsiplərinə, BMT Təhlükəsizlik Şurasının müvafiq qətnamələrinin tələblərinə uyğun olaraq Azərbaycanın ərazi bütövlüyü çərçivəsində həll edilməli olduğuna dair Azərbaycanın mövqeyini bir daha təkrarlayıb.

Ermənistan-Azərbaycan Dağlıq Qarabağ münaqişəsinin Azərbaycan Respublikasının suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı əsasında tezliklə həll olunmasının vacibliyi ilə bağlı Türk Şurasının 2020-ci il 28 sentyabr tarixli bəyanatına toxunan Prezident İlham Əliyev bu bəyanata görə Qazaxıstan Respublikasının Prezidenti Kasım-Jomart Tokayevə, Özbəkistan Respublikasının Prezidenti Şavkat Mirziyoyevə və Qırğız Respublikasının Prezidenti Sooronbay Jeenbekova təşəkkürünü bildirib.скачать dle 11.3




Şahidi olduğunuz hadisələri çəkib bizə göndərin!




            1 062 03.10.20 22:49