İlham Əliyev: “Bəzi rayonlarda sahibkarlar incidilir” - VİDEO » Median.Az - Bütün xəbərlər bir ünvanda
23:01 Bu ildırım dünya rekordu qırdı  |     22:56 Kiyevdə matəm elan olundu  |     22:49 "Euronews"da III Şuşa Qlobal Forumu haqqında material dərc edilib - VİDEO  |     22:43 Sabit tarifin tətbiq olunması nə vəd edir? - ARAŞDIRMA  |     22:38 Bakıda nənə qəzada öldü, nəvəsi cəza aldı  |     22:30 Elektromobillərə maraq azalır - STATİSTİKA  |     22:25 Bayden prezidentlikdən sonra necə yaşayır?  |     22:16 Bakının bu ərazilərində qaz təchizatı dayandırılacaq  |     22:07 Putin azərbaycanlı qəhrəmanı ölümündən sonra təltif etdi - FOTO  |     22:00 “PulPal” və “Mpay” qaydaları pozdu - Mərkəzi Bank icrası məcburi göstəriş verdi  |     21:54 "Lake" otelində 4183 manatlıq oğurluq - Ofisiant həbs edildi  |     21:46 Sevgi qısqanclığı davaya çevrildi: Vəzifəli qadını döyən şəxsə hökm oxundu  |     21:40 Məsciddə namaz qılıb yatdı, pulları oğurlandı (TƏFƏRRÜAT)  |     21:32 "Microsoft" açıqladı: Süni intellekt səbəbilə bu 40 peşə yoxa çıxa bilər (SİYAHI)  |     21:27 Şəhid xanımını təhqir edən avtobus sürücüsü cərimə edildi  |     21:21 Bu universitetdə təhsil haqqı artırıldı - MƏBLƏĞ  |     21:15 Son 30 ildə insanların küçədə yerimə sürəti niyə artıb?  |     21:09 Azərbaycanın güllə atıcısı Avropa çempionatında gümüş medal qazanıb  |     21:02 Bərdədə bir nəfər çayda boğulub  |     20:57 Rusiyanın Ukraynaya endirdiyi zərbə nəticəsində 1 nəfər ölüb, 11 nəfər yaralanıb  |    

İlham Əliyev: “Bəzi rayonlarda sahibkarlar incidilir” - VİDEO

Xəbər verdiyimiz kimi, Prezident İlham Əliyev avqustun 24-də Faiq Qürbətovu Biləsuvar Rayon İcra Hakimiyyətinin, Elmir Bağırovu isə Saatlı Rayon İcra Hakimiyyətinin başçısı vəzifələrinə təyin olunmaları ilə əlaqədar videoformatda qəbul edib.

AZƏRTAC dövlətimizin başçısının videoqəbuldakı çıxışından bəzi məqamları təqdim edir.

“Son illərdə kənd təsərrüfatının inkişafına, o cümlədən infrastruktur layihələrinə birbaşa və dolayı yollarla qoyulan investisiyalar böyük inkişafa səbəb olub. Texnika ilə təminat baxımından heç bir problem yoxdur.

Dövlət tərəfindən verilən subsidiyaların şəffaflaşdırılması istiqamətində çox önəmli addımlar atılıb, islahatlar aparılıb. Fermerlər üçün daha da uyğun sistem yaradılıb, çox şəffaf sistem yaradılıb”.

“Sahibkarlığın inkişafı ölkəmizin ümumi inkişafı ilə birbaşa bağlı olan məsələdir. Bizim iqtisadiyyatımız öz dayanıqlılığını saxlamalıdır, möhkəmləndirilməlidir. Buna nail olmaq üçün, əlbəttə ki, qeyri-neft sektorumuz inkişaf etməlidir.

Bu inkişaf 2020-ci ilə qədər çox sürətli idi. Pandemiya ilə əlaqədar bütün ölkələrdə iqtisadi tənəzzül müşahidə olunur, o cümlədən, bizdə. Ancaq bizdə bu rəqəm kifayət qədər aşağı səviyyədədir. Yeddi ay ərzində iqtisadiyyat cəmi 2,8 faiz düşüb. İnkişaf etmiş ölkələrin bəzilərində bu rəqəm 30 faizə çatıb, Avropa məkanında 20 faizə çatır.

Ümumi avrozona məkanında haradasa 15 faizə yaxındır. Ona görə Azərbaycanda bu rəqəmin aşağı səviyyədə olması hesab edirəm ki, bizim böyük nailiyyət kimi qiymətləndirilməlidir”.

“Əfsuslar olsun ki, bəzi rayonlarda sahibkarlar incidilir, onlar qarşısında süni əngəllər yaradılır, onlardan yerli icra orqanları tərəfindən rüşvət, pay tələb olunur. Buna qətiyyən yol vermək olmaz və bu məsələlərə çox ciddi nəzarət olmalıdır.

Sahibkarlar dövlət məmurları tərəfindən yalnız dəstək, kömək görməlidirlər və sahibkar ancaq dövlətin vergisini ödəməlidir. Bundan başqa, heç kimə heç bir vəsait ödənilməməlidir”.
скачать dle 11.3




Şahidi olduğunuz hadisələri çəkib bizə göndərin!




            1 679 24.08.20 17:47