Aleksey Navalnının bədənində zəhər aşkarlanmayıb - VİDEO

Dünən təyyarədə halı pisləşən və təcili olaraq xəstəxanaya yerləşdirilən Rusiyanın müxalifət lideri Aleksey Navalnının bədənində zəhər aşkarlanmayıb.

Bu barədə TASS hüquq-mühafizə orqanlarına istinadla xəbər yayıb.

“İlkin versiya dəyişməyib, söhbət psixodisleptik zəhərlənmədən gedir. Daha dəqiq məlumatı həkimlərin diaqnozu və yekun rəyindən sonra vermək mümkün olacaq”, - deyə məlumatda bildirilib.Agentliyin həmsöhbətinin sözlərinə görə, Navalnının qəsdən zəhərlənməsi barədə məlumat olmadığı üçün hələlik cinayət işi açılmayıb. Səhhəti imkan verdiyi vaxt yoxlamanın bir hissəsi olaraq onun ifadəsi alınacaq.Xatırladaq ki, avqustun 20-də Moskvadan Tomska yollanan Navalnının halı təyyarədə kəskin pisləşib. Nəticədə, hava gəmisi Omsk şəhərində təcili eniş etmək məcburiyyətində qalıb.Həkimlərin ilkin ehtimalına görə, A.Navalnı güclü psixodisleptik olan və hallusinasiya yaradan oksibutirat natriumdan zəhərlənə bilərdi.Lakin bloqerin yerləşdirildiyi Omsk xəstəxanasının baş həkiminin müavini Anatoli Kaliniçenko onun orqanizmində zəhər, yaxud zəhərlənmənin əlamətlərinin aşkarlanmadığını bildirib.“Biz pasiyentin zəhərlənmə keçirdiyini hesab etmirik”, - deyə o vurğulayıb.скачать dle 11.3

Şahidi olduğunuz hadisələri çəkib bizə göndərin!