Qax Rayon Polis Şöbəsinin Post Patrul Xidmətinin əməkdaşları rayonun Qıpçaq kəndi ərazisində xidmətdə olan zaman yol kənarında dayanan avtomobildəki sürücü və sərnişinlərin təlaş içində olduğunu görüb, həmin nəqliyyat vasitəsinə yaxınlaşıblar.

Sürücü avtomobildə sərnişin qismində olan şəxsi ot biçən zaman ilan sancdığını və təcili olaraq xəstəxanaya çatdırılmalı olduğunu, ancaq avtomobilindəki nasazlıq səbəbindən vaxt itirdiklərini bildirib.

Polis əməkdaşları Mansur Rəsulov və Bəhruz Qurbanlı dərhal həmin şəxsi öz xidməti avtomobillərinə əyləşdirərək, tez bir zamanda Qax Rayon Mərkəzi Xəstəxanasına çatdırıblar. Həkimlər tərəfindən ilan sancmış şəxsə lazımi tibbi yardım göstərilib və həyatını xilas etmək mümkün olub.скачать dle 11.3