Mingəçevir şəhəri ərazisində xüsusi karantin rejimi qaydalarına zidd olaraq fəaliyyət göstərən və müştərilərə yerində xidmət edən kafe aşkar edilib.
DİN-in Mətbuat xidmətinin Şəki regional qrupundan verilən məlumata görə, Mingəçevir Şəhər Polis Şöbəsinin əməkdaşları tərəfindən keçirilən tədbirlər zamanı şəhər sakini Ramin Aslanovun işlətdiyi kafedə müştərilərə yerində xidmət göstərildiyi müəyyən edilib.
Obyektə baxış zamanı oranın sahibi və daha doqquz nəfər müştərinin xüsusi karantin qaydalarını pozduqları aşkar olunub.
Müştərilər barəsində İnzibati Xətalar Məcəlləsinin 211-ci maddəsi ilə protokol tərtib edilib. Onlar cərimələniblər və qayda pozucularına ciddi xəbərdarlıq olunub. Obyekti işlədən R.Aslanov barəsində toplanmış material isə şəhər məhkəməsinə göndərilib.
Şahidi olduğunuz hadisələri çəkib bizə göndərin!
Son Əlavə