İsmayıllıda qırılan elektrik naqili sürücünün ölümünə səbəb olub

İsmayıllı rayonunda bədbəxt hadisə baş verib.

"Report"un yerli bürosunun məlumatına görə, hadisə Qalacıq kəndində qeydə alınıb.

Rayon sakini, 1988-ci il təvəlüdlü Musayev Qüdrət Elyar oğlu idarə etdiyi “Ford” markalı, “90-OL-724 dövlət nişanlı avtomobillə Qalacıq kəndində yerləşən kafe istiqamətində hərəkətdə olarkən güclü külək və yağışın təsirindən qırılaraq yerə düşən elektrik naqili Q.Musayevin idarə etdiyi avtomobilin arxa təkərinə ilişib. Sürücü avtomobili saxlayraq qapını açarkən elektrik cərəyanı onu vuraraq öldürüb.

Faktla bağlı İsmayıllı rayon Prokurorluğunda araşdırma aparılır.скачать dle 11.3

Şahidi olduğunuz hadisələri çəkib bizə göndərin!