Bakıda binadan velosiped oğurlandı - VİDEO
Bakının Yasamal rayonunda velosiped oğurlamaqda şübhəli bilinən şəxs saxlanılıb.
Aprelin 10-da paytaxtın Yeni Yasamal, Əsəd Əhmədov küçəsində yerləşən binalardan birinin blokundan sakinlərdən birinə məxsus velosipedin oğurlanması ilə bağlı Daxili İşlər Nazirliyinin “102” xidməti-zəng mərkəzinə müraciət daxil olub.
Müraciət əsasında Bakı Şəhər Baş Polis İdarəsinin Cinayət-Axtarış İdarəsi və Yasamal RPİ-nin Cinayət-Axtarış şöbəsinin əməkdaşları tərəfindən birgə əməliyyat axtarış tədbirləri həyata keçirilib.
Axtarış nəticəsində sözügedən ünvanda V.Burcəliyevə məxsus 200 manat dəyərində velosipedi oğurlamaqda şübhəli bilinən, Xırdalan şəhər sakini 1993-cü il təvəllüdlü Q.Dadaşov müəyyən olunaraq saxlanılıb.
Faktla bağlı araşdırma aparılır.
Xatırladaq ki, sözügedən hadisə ilə bağlı sosial şəbəkədə videogörüntülər paylaşılıb.
скачать dle 11.3
Şahidi olduğunuz hadisələri çəkib bizə göndərin!
Son Əlavə