Aprelin 24-də Bakının Sabunçu rayonunun Ramana Südçülük sovxozunun sakininə kürəyindən üç dəfə bıçaqla zərbə endiriblər.

Bu barədə Oxu.Az hüquq-mühafizə orqanlarına istinadla xəbər yayır.

Hadisə 21:40-da baş verib. 1988-ci il təvəllüdlü Samir Məmmədov qonşusu, 1989-cu il təvəllüdlü Elbrus İbrahimova üç bıçaq zərbəsi vurub. Zərərçəkən şəhər 3 saylı Klinik Xəstəxanasına çatdırılıb.

S.Məmmədov 14-cü Polis Bölməsinin əməkdaşları tərəfindən saxlanılıb.

Hadisənin təfərrüatı araşdırılır. İlkin məlumata görə, onların arasında şəxsi münasibətlər zəminində münaqişə baş verib.

* * * *

Bakıda bıçaqlanma hadisəsi baş verib.

APA-nın məlumatına görə, hadisə ötən gün gecə saatlarında paytaxtın Sabunçu rayonu Ramana qəsəbəsi Südçülük sovxozunda qeydə alınıb.

Belə ki, qəsəbə sakini, 1988-ci il təvəllüdlü S.Məmmədov mübahisə zəminində tanışı, 1989-cu il təvəllüdlü E.İbrahimovu bıçaqlayıb. Yaralı xəstəxanaya çatdırılıb.

Sabunçu rayon Polis İdarəsinin 14-cü Polis Bölməsinin əməkdaşlarının keçirdiyi əməliyyat-axtarış tədbirləri nəticəsində S.Məmmədov saxlanılıb.

Faktla bağlı Sabunçu rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb.скачать dle 11.3