Rusiyanın Krasnodar vilayətinin Novorossiysk şəhərində ananın azyaşlı övladına işgəncə verməsi ilə bağlı cinayət işi başlanıb.

Bununla bağlı REN TV Rusiya Federasiyasının Krasnodar vilayəti üzrə İstintaq İdarəsinə istinadən xəbər yayır.

Bildirilir ki, aprelin 15-də qonşular evlərinə tökülən suyu dayandırmaq üçün qadının qaldığı mənzilə girəndə altı yaşlı oğlanın bədənində işgəncə izləri ilə aşkar ediblər.

Qonşuların dediyinə görə, azyaşlı aylardır evdən çıxmır, mətbəxdəki qabların istifadə qaydasını bilmir və sudan qorxur. Qonşuların çağırdığı təcili yardım nəticəsində uşaq qapalı kəllə-beyin travması, baş beyinin zədələnməsi və silkələnməsi diaqnozu ilə xəstəxanaya yerləşdirilib.

İttihamda ananın davamlı olaraq uşağa işgəncə verməsi, bədəninin müxtəlif hissələrinə zərbələr endirməsi və dəfələrlə bağlı yerdə tək qoyması qeyd edilir.

Hadisənin təfərrüatı araşdırılır.скачать dle 11.3