“Vətəndaşlar üçün yaradılan “8103” qısa nömrəsinə bu günə qədər 8,2 milyon SMS göndərilib”.
Median.Az xəbər verir ki, bu barədə Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində Elektron Hökumətin İnkişafı Mərkəzinin direktoru Fariz Cəfərov “Real” TV-nin efirində deyib.
O bildirib ki, vətəndaşlar hər gün olduqları yeri tərk etməzdən əvvəl “8103” qısa nömrəsinə müvafiq olaraq, 1, 2, 3 kodunu və şəxsiyyət vəsiqəsinin seriya nömrəsini göndərməklə icazə ala bilirlər:
“Bu günə qədər göndərilən 8,2 milyon SMS-in 64 faizinə müsbət cavab verilib. Müsbət cavab alan şəxslər sistemdən istifadə ediblər. Onu da qeyd edim ki, ilk günlərdə təxminən 62 faizə yaxın insan “8103” qısa nömrəsinə yanlış formatda, aidiyyəti olmayan sözlər yazıb göndərib. Dünən və bu gün göndərilən SMS-lərin statistikasına baxanda, müraciətlərin 80 faizinə müsbət cavab verildiyini görürük”.//oxu.az
Şahidi olduğunuz hadisələri çəkib bizə göndərin!
Son Əlavə