Şəmkir Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində bu ilin yanvar, fevral və mart aylarında rayon ərazisində üç fərdi yaşayış evindən oğurluq edən şəxs saxlanılıb.

Bununla bağlı Daxili İşlər Nazirliyinin Mətbuat Xidmətinin Gəncə regional qrupu məlumat yayıb.

Bildirilib ki, aparılan araşdırmalar zamanı əvvəllər məhkum olunmuş, rayonun Çinarlı kənd sakini, 28 yaşlı Nicat Kərimovun rayonun Aşağı Seyfəli kəndindəki evlərə gizli yolla daxil olaraq, ümumilikdə 14300 manat dəyərində qızıl-zinət əşyaları və 850 manat dəyərində nağd pul oğurladığı məlum olub.

Saxlanılan şəxs ifadəsində törətdiyi oğruluq hadisələrini etiraf edib və bildirib ki, oğurladığı qızıl-zinət əşyaların sataraq, pulunu Bakıda xərcləyib.

Faktlarla bağlı araşdırmalar davam etdirilir.скачать dle 11.3