Bakıda avtomobildən oğurluq etməkdə şübhəli bilinən şəxs saxlanılıb.
Oxu.Az xəbər verir ki, hadisə martın 3-ü Biləcəri qəsəbəsində baş verib.
Belə ki, sözügedən ərazidə Q.Məmmədova məxsus “Xəzər” markalı avtomobildən 50 manat pul və 50 manat dəyərində ehtiyat hissələri naməlum şəxs tərəfindən oğurlanıb.
Faktla bağlı Binəqədi Rayon Polis İdarəsinin 6-cı Polis Bölməsinin əməkdaşları tərəfindən əməliyyat-axtarış tədbirləri aparılıb.
Aparılan tədbirlər nəticəsində oğurluq hadisəsini törətməkdə şübhəli bilinən Bakı şəhər sakini, əvvəllər məhkum olunan R.Camalov saxlanılıb.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə